Þetta er hún Alma Sóley

Hæ ég heiti Alma og ég var að flytja hingað í Trékyllisvík. Ég kom frá Hafnarfirði með stjúppabba mínum, mömmu minni og litla bróður mínum. Við vildum flytja hingað af því okkur langaði að breyta til. Ég er búin að eignast marga nýja vini og komast að því að ein af þeim er frænka mín. Það er mjög skemmtilegt í skólanum. Ég er með góða kennara og einn af þeim er mamma mín og einn er stjúppabbi minn sem kennir okkur íþróttir og smíði. Ég er ekki búin að vera mjög lengi hér en kom samt í sumar til að skoða sveitina og kíkja á húsið.