32 í Árneshreppi í vetur

Guðmundur í Stóru-Ávík er síðasti farfuglinn í Árneshreppi í haust. Hann brunaði suður í gær og þá voru aðeins eftir í hreppnum íbúar sem búa hérna árið um kring.

Hér eru 15 heimili og eru samtals 32 íbúar í vetur, 16 karlar og 16 konur (þar af þrjár stelpur!)

Heimilin eru í Djúpavík, Kjörvogi, Litlu-Ávík, Finnbogastöðum, Bæ, Árnesi, Melum, Steinstúni, Norðurfirði og á Krossnesi.

Í sveitinni í vetur eru bara þrír krakkar: Við stelpurnar í skólanum og Aníta heimasæta í Bæ.

Myndin er einmitt af Bæ, sem skartar sínu fegursta í vetrarsólinni! 

 

 

Athugasemdir

[Helga R. Einarsdóttir, 29.10.2007 kl. 14:30]

Mér finnst þetta falleg mynd og líka hef ég gaman af að fylgjast með lífinu á Ströndum. Það er ekkrt langt síðan ég gisti á tjaldstæðinu við Finnbogastaðaskóla eina nótt. Þá var ball í samkomuhúsi ekki langt frá  og við sofnuðum við dynjandi dansmússik. Það var svartaþoka en samt gott veður. Líklega var þetta um verslunarmannahelgi. Ég og minn maður reynum að fara í ferð á Strandir með - ekki allt of löngu millibili. Þar er alltaf gott að koma. kv.