Allir mættu í afmælið til Gunnsteins!

Það var nú aldeilis gaman í gærkvöldi. Þá komu allir í sveitinni í afmæli til Gunnsteins og Margrétar á Bergistanga í Norðurfirði.

Gunnsteinn var að halda upp á 75 ára afmælið sitt. Þarna var fullt af frábærum kökum og veitingum, við stelpurnar spiluðum núllu og gúrku við Guðfinnu og Pöllu, og lékum við Anítu prinsessu frá Bæ.

Þarna var glatt á hjalla, enda allir mættir frá Djúpavík, Kjörvogi, Litlu-Ávík, Finnbogastöðum, Bæ, Árnesi, Melum, Steinstúni, Norðurfirði og Krossnesi.

Á myndinni eru elsti og yngsti íbúinn í Árneshreppi: Gunnsteinn afmælisbarn og Aníta litla með gómsæta kleinu.

 

Athugasemdir

[Kolbrún Gígja Gunnarsdóttir, 5.12.2007 kl. 16:23]

Hæ stelpur, ég sá frétt um ykkur á www.mbl.is og langaði að commenta hjá ykkur. :) Málið er það að ég bjó einu sinni á Finnbogastöðum.:) Pabbi minn var skólastjóri þar árið 1984-1988 minnir mig en þá var ég of ung til að byrja í skóla. :) Hann heitir Gunnar Finnson...það kannast eflaust einhverjir við hann þarna í sveitinni.;)

[Björgvin Gunnarsson, 5.12.2007 kl. 16:49]

Sælar og blessaðar stelpur. Þið þekkið mig  ekki en ég bjó í Finnbogastaðaskóla 1983 til 1988 en pabbi var skólastjóri þar á þessum árum en Kolbrún Gígja sem skrifaði athugasemd á undan mér er systir mín. Þegar ég var í Finnbogastaðaskóla ásamt bræðrum mínum, Finni Torfa og Styrmi Frey, voru rúmlega 30 nemendur við  skólann.

Því miður hef ég ekki komið til Trékyllisvíkur síðan 1997 en þá keppti ég á Helgarskákmóti sem haldið var í minningu Axels gamla á Gjögri. Vonandi finnur maður tíma í sumar til að heimsækja þessa frábæru sveit en ég hugsa alltaf til Trékyllisvíkur með söknuði því þó að ég og mín fjölskylda vorum aðeins í 5 ár á Ströndum þá gleymum við  þeim tíma aldrei.

 Takk fyrir skemmtilega heimasíðu.

kv. Björgvin Gunnarsson

[Kolbrún Gígja Gunnarsdóttir, 6.12.2007 kl. 10:30]

Ég er sko sammála Bjögga bróður. ;) Ég átti heima þar frá 1-6 ára aldri og ég sakna Trekyllisvíkur mikið þó ég hafi ekki munað mikið frá þessum tíma en man þó slatta. ;)