Finnbogastaðaskóli

Frábær gjöf

Í vikunni fengum við sent veglegt skákborð, menn og klukku að gjöf frá Guðrúnu Karlsdóttur og Rúnari Kristinssyni frá Gjögri. Gjöfin er til minningar um foreldra Guðrúnar, þau Regínu og Karl. F Thorarensen. Regína hefði orðið 95 ára 29.apríl í ár, en þann 8.október hefði Karl orðið 103 ára.

Við vorum mjög ánægð með þessa höfðinglegu gjöf og við erum viss um að hún mun koma að góðum notum og gleðja marga hér í sveitinni. LIFI SKÁKIN! Smile

Kári

Hafnarboltakylfa

Fyrir nokkrum dögum fengum við hérna í skólanum gjöf frá Júlíönu Kanarífara. Það var hafnarboltakylfa og bolti með. Strax fyrstu frímínúturnar fórum við í hafnarbolta úti. Við gerðum hafnir og allt. Svo skiptumst við á við að vera kastarar, kylfingar, hlauparar, gríparar og að bíða. Við erum alveg svakalega glöð með þessa gjöf. Reyndar var ég búin að sjá kylfuna og boltann daginn áður en hún kom með gjöfina. En það var mér að kenna. Þakka þér kærlega fyrir gjöfina Júlíana!!!!!!!!!

Ásta Þorbjörg

Heima er best!

Halló ég er komin heim frá Kanarí!

Þetta var æðisleg ferð sem ég gleymi seint. Með mér voru mamma og pabbi og Hafsteinn frændi. Við vorum á fjögurra stjörnu hóteli í algjörum lúxus. Við fórum á kameldýrabak, í kafbát , á markað, á ströndina og í vatnsrennibrautagarð! Þetta var allt skemmtilegt en mér þykir gott að vera komin heim!

Eins og sagt er Heima er best!!!!

Kv Júlíana Lind

Öskudagur

Í gær var haldinn öskudagsskemmtun í Samkomuhúsinu. Allir klæddu sig í búning og það voru fíll, kúrekastelpa, köttur, fangi, einkabílstjóri, trúður, Hawai stelpa, prinsessa, diskódís, einhyrningsstelpa, hafnaboltamaður, kökuskrímsli, bóndi, madama, lögga og vélsleðagaur þarna á diskóinu. Jón Brynjar lamdi köttinn úr tunnunni og allir fengu nammi. Svo fórum við í allskonar leiki.

Kveðja allir krakkarnir!

Myndir í albúmi

Fjölmenni í Finnbogastaðaskóla og von á fleirum...

Það er mikið um að vera hjá okkur í Finnbogastaðaskóla þessa vikuna og fullt af skemmtilegum krökkum í heimsókn. Matti, Bogga, Jón Brynjar og Aníta eru í heimsókn hjá okkur og svo kemur hún Júlíana okkar heim á fimmtudaginn og ein lítil Vigdís ömmustelpa. Hér er mynd af öllum krökkunum að borða saltkjöt og baunir og svo nokkrar úr skólastarfinu í morgun!

Saltkjöt og baunir túkallAníta að skoða fingrastafrófið

Stelpur í stuði

strákarnir Mikið fjör á leikvellinum

Sprengidagur

Á sprengidegi er bumban

að springa hreint á mér

því magnið er ei smátt

sem í magann fer.

Af saltkjöti og baunum

ég sáðningu í magann fæ.

Af saltkjöti og baunum

ég saddur verð og hlæ.

Já bragðgóðar eru

baunirnar, baunirnar, baunirnar

já bragðgóðar eru

baunirnar húllum hæ.

Vorvísa

Vorið er komið, og grundirnar gróa,

gilin og lækirnir fossa af brún,

syngur í runni, og senn kemur lóa,

svanur á tjarnir og þröstur í tún.

Nú tekur hýrna um hólma og sker,

hreiðra sig blikinn og æðurin fer,

hæðirnar brosa og hlíðarnar dala,

hóar þar smali og rekur á ból,

lömbin sér una um blómgaða bala,

börnin sér leika að skeljum á hól.

Jón Thoroddsen

Sígarettuvísa eftir Guðberg Bergsson

Sígarettunni sætu

sárlangar að kála mér.

Því segi ég þeirri mætu:

,,Mun ég fyrr drepa í þér."

Við hvetjum alla til þess að hætta að reykja!!!

Kveðja Ásta.

Öskudagsnammikassi

Núna rétt áðan vorum ég og Þórey að klára að mála öskudagsnammikassann. Kári og Júlíana voru ekki með út af því að Júlíana er úti á Gran Canaria í steikjandi hita. P.S. Við söknum þín ef þú ert að lesa þetta. Og Kári er veikur heima. Á kassanum eru: Mús, örn, ugla, lóa, fálki og Magnea í bæ (Aníta gerði hana).

Kveðja Ásta