Gamlar gátur

Hér koma tvær gamlar gátur. Svarið við þeim kemur á morgun!

 1. Hvað er það á bænum er þegir en öllum til þó segir?

2. Tveir feður og tveir synir skiptu þremur eplum á milli sín og fékk hver þeirra heilt epli. Hvernig er það mögulegt?

Kári                                                                                                                                                                

 svör:

1. Bækur

2. afi, pabbi og sonur.

Brandarar

                                                             Ljóskan og sjónvarpið

Einu sinni kom ljóska inn í búð og bendir og segir "ég ætla að fá þetta sjónvarp" þá sagði afgreiðslumaðurinn "við afgreiðum ekki ljóskur" "allt í lagi þá" sagði ljóskan. Fór út og inná hárgreiðslustofu og lætur lita hárið á sér brúnt og fer aftur inn í búðina og segir "ég ætla að fá þetta sjónvarp" þá sagði afgreiðslumaðurinn "við afgreiðum ekki ljóskur." Þá fór ljóskan inn á hárgreiðslustofuna og lét raka af sér allt hárið. Svo fór hún aftur inn í búðina og sagði "ég ætla að fá þetta sjónvarp" en þá sagði afgreiðslumaðurinn "við afgreiðum ekki ljóskur" þá varð ljóskan reið og sagði "hvernig veistu að ég er ljóska?!?!?" "Af því að það sem þú ert að benda á er örbylgjuofn"

 

                                                          Ásta Þorbjörg

Bændabrandarar :)

 * Ég setti niður hvítkál og rakvélarblöð. Ég ætlaði að rækta hrásalat.

* Hann keypti akurlendi sem er fimm kílómetra langt og tíu sentímetra breitt. Hann ætlar að rækta spaghettí.

* ,,Um hvað ertu að hugsa, Svenni? Þú ert svo áhyggjufullur á svipinn." ,,Ja, ég var bara að velta því fyrir mér hvort pabbi mundi fást til að mjólka beljurnar á meðan við værum í brúðkaupsferðinni, ef mér skyldi nú detta í hug að biðja þín."

* Það er eitthvað við sveitalífið sem nær til manns og gegnsýrir mann. Sérstaklega ef vindurinn stendur af fjóshaugnum.

 Kári

ÞRETTÁNDINN!

Í dag kveðjum við jólin á þrettánda degi jóla. Nú eru allir jólasveinarnir komnir heim til hennar Grýlu og hans Leppalúða já og ekki má gleyma jólakettinum mjá mjá mjá. Við gætum kannski athugað með þá hvort allir hafi komist með því að hringja í símann þeirra. Ætli þeir eigi síma? Kannski steinasíma.

Við þurfum því að taka niður jólaskrautið í dag en það er frekar leiðinlegt. Samt verður svo gaman að fá að setja það aftur upp fyrir næstu jól. Kannski verður hægt að sprengja nokkrar sprengjur í kvöld þegar það kemur myrkur. Með sprengjunum gætum við líka borðað súkkulaðið sem við fengum frá vini okkar honum Roland sem koma með pakka til okkar á meðan við vorum í jólafríinu sem var fullur af súkkulaði. Hann hefur stundum áður gefið okkur súkkulaði svo núna köllum við hann bara súkkulaðimanninn.

 Dear thanks for the chocolate Roland it was appreciated

 

sprengjukveðjur
Þórey

Skólajólin í hámarki

Hó hó hó........Í gær héldum við alveg magnaðan jóladag. Við fengum þann lúxus að mæta í skólann kl. tíu. Og um morguninn vorum við að æfa og gera allt tilbúið fyrir jólaballið. Í hádeginu borðuðum við hangikjöt, uppstúf, kartöflur og ís í eftirrétt.

Jólaskemmtunin byrjaði kl. hálf tvö og þá vorum við krakkarnir með allskonar atriði, Kári las sögu, Júlíana spilaði á hljómborðið Bjart er yfir Betlehem, Ásta las jólaguðspjallið og við hin lékum það á meðan og svo spilaði Þórey Bráðum koma blessuð jólin á hljómborðið.

Eftir atriðin var haldið jólaball og það komu jólasveinar til okkar og gáfu okkur mandarínur. Félagarnir Stekkjastaur og Bjúgnakrækir tóku nokkur lög og dönsuðu í kringum jólatréð.

Þetta var geggjaður dagur og við þökkum jólasveinunum fyrir mandarínurnar og fyrir komuna.

Gleðileg jól og farsælt komandi ár.

Fleiri myndir eru í albúminu!

Kv Júlíana Lind, Kári, Þórey og Ásta Þorbjörg.

 

 

 

 

 

 

 

 

Jólaföndur

1. desember héldum við krakkarnir jólaföndur í Finnbogastaðaskóla. Það var hlustað á tónlist og allir í rosalega góðuskapi að föndra sitt skraut.

Það var hægt að föndra litla krúttlega kalla og skraut á jólatréð og yngri kynslóðin fékk að búa til jólatré.

Í kaffinu fengum við rjúkandi heitt kakó og bakkelsi með nammi namm.

Þetta var rosalega skemmtilegur dagur.

K.v. Júlíana Lind, Ásta Þorbjörg, Kári og Þórey.

 

 

 

 

 

 

 

Gestagangur í Finnbogastaðaskóla!!!

Við krakkarnir í Finnbogastaðaskóla erum svo heppin að fá stundum gesti til okkar yfir veturinn og að þessu sinni komu Ástrós Lilja Guðmundsdótttir og Hrafnhildur Kría Jónasdóttir til okkar.

Það var aldeilis fjör við matarborðið enda var verið að skreyta  piparkökur fyrir morgundaginn, á morgun er nefnilega 1.des. Átsrós Lilja ætlar að vera með okkur alla vikuna en Hrafnhildur Kría fer núna seinna í dag.

Við þökkum þeim innilega fyrir komuna.

 Kv. Júlíana Lind, Ásta Þorbjörg, Kári og Þórey.

Piparkökur

Í dag vorum við að skreyta piparkökur sem við bökuðum í heimilisfræði með Ingvari. Það voru ýmsar fígúrur t.d. elgur, jólasveinn, engill og fleira.

Ásta Þorbjörg

Við urðum í topp 5

Eins og þið kannski vissuð þá tókum við þátt í myndbandakeppni grunnskólanna. Við urðum í einu af topp 5 í yngri flokki. Myndbandið sem við gerðum má sjá hér

 www.youtube.com/watch?v=7-TZNDIh7Ig

 

Þórey

Dagur íslenskrar tungu í Finnbogastaðaskóla

Við buðum gestum og gangandi til okkar í skólann á degi íslenskrar tungu sem var í gær. Við sungum tvö lög sem heita Álfareiðin eftir Jónas Hallgrímsson afmælisbarn og Á íslensku má alltaf finna svar eftir Þórarinn Eldjárn og Atla Heimi Sveinsson. Einnig fórum við með ljóð hvert og eitt okkar eftir Jónas. Þetta var mjög skemmtilegur dagur og gaman hvað margir gátu komið að sjá okkur. Því miður var myndavélin okkar batteríslaus og þess vegna gátum við ekki tekið mynd. En við erum búin að hlaða hana núna.

íslenskar kveðjur

Júlíana Lind, Ásta Þorbjörg, Kári og Þórey